By Our Correspondent
ATHAMALLIK/BHUBANESWAR: କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଶୁକ୍ରବାର ବଳିଦାନ ଓ ଆଧ୍ୟାତ୍ମିକତା ଭୂମି ଅନୁଗୋଳ ଜିଲ୍ଲାର ପୁରୁଣାଗଡରେ ପ୍ରଭୁ ଶ୍ରୀ ମଦନମୋହନ ଜୀଉଙ୍କ ଆଶୀର୍ବାଦ ନେଇ ଆଠମଲ୍ଲିକ ନିର୍ବାଚନମଣ୍ଡଳୀରେ ‘ମୋଦୀ ବିଜୟ ପ୍ରଚାର’ ଅଭିଯାନ ଆରମ୍ଭ କରିଛନ୍ତି ।
ଶ୍ରୀ ପ୍ରଧାନ କହିଛନ୍ତି ପୁରୁଣାଗଡ ସ୍ୱାଭିମାନ, ବଳିଦାନ, ସମର୍ପଣ ଓ ଆଧ୍ୟାତ୍ମିକତାର ପବିତ୍ର ଭୂମି । ଅନୁଗୋଳ ରାଜା ସୋମନାଥ ସିଂହ ଜଗଦ୍ଦେବଙ୍କ ତ୍ୟାଗ ଓ ବଳିଦାନର ଭୂମି । ଏଠାରେ ରାଜା ସୋମନାଥ ଇଂରେଜ ଶାସନର ଅତ୍ୟାଚାର ବିରୁଦ୍ଧରେ ଲଢେଇ କରିଥିଲେ ।
ତାଙ୍କର ବଳିଦାନ ଆଗାମୀ ଶତାବ୍ଦୀ ଶତବ୍ଦୀ ଧରି ସ୍ମରଣୀୟ ହୋଇ ରହିବ । ଏଭଳି କ୍ଷେତ୍ରରେ ଶତାବ୍ଦୀ ଶତାବ୍ଦୀ ପୂର୍ବରୁ ପ୍ରତିଷ୍ଠା ହୋଇଥିବା ପ୍ରଭୁ ଶ୍ରୀ ମଦନମୋହନ ଜୀଉ ମନ୍ଦିରରେ ଦର୍ଶନ କରିବା ମୋର ସୌଭାଗ୍ୟ । ଏହି ବଳିଦାନ ଓ ସଂଗ୍ରାମୀ ଭୂମିରୁ ଆଠମଲ୍ଲିକ ନିର୍ବାଚନମଣ୍ଡଳୀରେ ‘ମୋଦୀ ବିଜୟ ପ୍ରଚାର’ ଅଭିଯାନ ଆରମ୍ଭ କରିବା ଗୌରବର ବିଷୟ ବୋଲି କେନ୍ଦ୍ରମନ୍ତ୍ରୀ କହିଛନ୍ତି ।
