By Our Correspondent
PARADIP/BHUBANESWAR: ପାରାଦୀପ ସ୍ଥିତ ଜେ ଏସ ଡ ବ୍ଲୁ କାର୍ଯ୍ୟାଳୟ ପରିସରରେ ୭୬ ତମ ସ୍ବାଧିନତା ଦିବସ ପାଳନ କରାଯାଇଛି। ଏହି ଉତ୍ସବରେ କମ୍ପାନୀର ବରିଷ୍ଠ ଅଧିକାରୀ ବିଭୁପ୍ରଦ ନନ୍ଦ ଯୋଗ ଦେଇ ଜାତୀୟ ପତାକା ଉତ୍ତୋଳନ କରିବା ସହିତ ପ୍ୟାରେଡରେ ଅଭିବାଦନ ଗ୍ରହଣ କରିଥିଲେ।
ଆଜାଦୀ କି ଅମୃତ ମହୋତ୍ସବର ୭୫ ତମ ପୂର୍ତ୍ତି ପାଇଁ ଦେଶବାସୀଙ୍କୁ ଅଭିନନ୍ଦନ ଜଣାଇବା ସହିତ ଦେଶର ସ୍ବାଧୀନତା ପାଇଁ ତ୍ୟାଗ ଓ ବଳିଦାନ ଦେଇଥିବା ସେହି ମହାନ ଦେଶଭକ୍ତ ଓ ସ୍ବାଧିନତା ସଂଗ୍ରାମୀ ମାନଙ୍କୁ ପ୍ରଣାମ ଜଣାଇଥିଲେ।
ଏହି ଅବସରରେ କମ୍ପାନୀର ସୁରକ୍ଷା ବିଭାଗର ଅଧିକାରୀ ବିଜୟ ସୁରଙ୍କ ନେତୃତ୍ୱରେ ଉଲ୍ଲେଖନୀୟ ଅବଦାନ ପାଇଁ ରମାକାନ୍ତ ପ୍ରଧାନ, ଆଶିଷ ସେଠୀ,ଓ ଆଲୋକ ଦାସଙ୍କୁ ମୂଖ୍ୟ ଅତିଥି ସମ୍ବର୍ଧିତ କରିଥିଲେ। ଏଥି ସହିତ ଜେ ଏସ ଡ ବ୍ଲୁ ପ୍ରସ୍ତାବିତ ଅଞ୍ଚଳ ମାହାଳ ଠାରେ ଥିବା ଅସ୍ଥାୟୀ କାର୍ଯ୍ୟାଳୟ ସମ୍ମୁଖରେ ମଧ୍ୟ ସ୍ବାଧିନତା ଦିବସ ପାଳନ କରାଯାଇଥିଲା।
