By Our Correspondent
BHUBANESWAR: ବର୍ତମାନ ବାୟୁମଣ୍ଡଳର ନିମ୍ନ ଭାଗରେ ରାଜ୍ୟକୁ ପଶ୍ଚିମ ତଥା ଉତ୍ତରପଶ୍ଚିମ ଦିଗରୁ ଶୁଷ୍କ ବାୟୁ ପ୍ରବେଶ କରୁଛି ତଥା ସୂର୍ଯ୍ୟ କିରଣର ତୀବ୍ରତା ବୃଦ୍ଧି ପାଉଥିବାରୁ ଆଗାମୀ ୪ ରୁ ୫ ଦିନ ମଧ୍ୟରେ ରାଜ୍ୟରେ ଅନେକ ସ୍ଥାନରେ ଦିନ ତାପମାତ୍ରା ଧୀରେ ଧୀରେ ୪ ରୁ ୬ ଡ଼ିଗ୍ରୀ ଯାଇଁ ବୃଦ୍ଧି ହେବାର ସମ୍ଭାବନା ରହିଛି |
ପ୍ରଭାବରେ ରାଜ୍ୟର ଅନେକ ସ୍ଥାନରେ ତାପମାତ୍ରା ୪୦ଡ଼ିଗ୍ରୀ ରେକର୍ଡ ହେବା ସହ ୧୭ ରୁ ୨୦ ତାରିଖ ମଧ୍ୟରେ କିଛି ଜିଲ୍ଲାରେ ୪୩ ରୁ ୪୫ଡ଼ିଗ୍ରୀ ଯାଏଁ ତାପମାତ୍ରା ରେକର୍ଡ ହେବାର ସମ୍ଭାବନା ରହିଛି | ଏହି ପାଣିପାଗ ସ୍ତିତି କୁ ଲକ୍ଷ୍ୟ କରି ବିଭାଗ ତରଫରୁ ଆଗାମୀ ୫ ଦିନ ଯାଏଁ ଗ୍ରୀଷ୍ମ ପ୍ରବାହ ପାଇଁ ଚେତାବନୀ ଜାରି କରାଯାଇଛି |
ଦକ୍ଷିଣ-ପଶ୍ଚିମ ମୌସୁମୀ ପାଇଁ ଜାରିହୋଇଥିବା ଦୀର୍ଘ ଅବଧି ଆକଳନ ଅନୁଯାୟୀ, ୨୦୨୪ ମୌସୁମୀ ଋତୁରେ ଦେଶରେ ସ୍ୱାଭାବିକ ଠାରୁ ଅଧିକ ବର୍ଷା ର ସମ୍ଭାବନା ଥିବାବେଳେ ରାଜ୍ୟରେ ସ୍ୱାଭାବିକ କିମ୍ବା କିଛି ଅଞ୍ଚଳରେ ସ୍ୱାଭାବିକ ଠାରୁ କମ ବର୍ଷା ରହିବାର ସମ୍ଭାବନା ରହିଛି.
ଆଜି ଦିନ ୨ଟା ୩୦ ସୁଦ୍ଧା ରେକର୍ଡ ତାପମାତ୍ରା
ଭୁବନେଶ୍ୱର: ୪୧.୨°C , ଚାନ୍ଦବାଲି: ୪୧.୧°C , ଝାରସୁଗୁଡା: ୪୧°C , ବାଲେଶ୍ୱର: ୪୦°C, ହୀରାକୁଦ: ୩୯.୫°C, ସମ୍ବଲପୁର: ୩୯.୪°C, ରାଉରକେଲା: ୩୯.୨°C, କେନ୍ଦୁଝର: ୩୮.୯°C , ଗୋପାଳପୁର: ୩୫.୫°C , ପାରାଦୀପ: ୩୫.୨°C , ପୁରୀ: ୩୫°C
ଆଜି ଦିନ ୧୧ଟା ୩୦ ସୁଦ୍ଧା ରେକର୍ଡ ତାପମାତ୍ରା
ବାଲେଶ୍ୱର: ୩୯.୬°C, ଭୁବନେଶ୍ୱର: ୩୯.୨°C, ଚାନ୍ଦବାଲି: ୩୮.୭°C, ଝାରସୁଗୁଡା: ୩୮.୪°C, କେନ୍ଦୁଝର: ୩୮°C, ହୀରାକୁଦ: ୩୭.୫°C, ରାଉରକେଲା: ୩୭°C, ସମ୍ବଲପୁର: ୩୬.୮°C , ଗୋପାଳପୁର: ୩୫.୨°C, ପାରାଦୀପ: ୩୫°C , ପୁରୀ: ୩୪.୫°C
