By Our Correspondent
BHUBANESWAR: କେନ୍ଦୁପତ୍ର ତୋଳାଳୀଙ୍କ ଅର୍ଥନୈତିକ ଅଭିବୃଦ୍ଧିକୁ ଦୃଷ୍ଟିରେ ରଖି ୨୦୨୨ ଫସଲ ବର୍ଷ ପାଇଁ ଉଭୟ ପ୍ରୋସେସ ଓ ଫାଲ ଅଞ୍ଚଳରେ କେନ୍ଦୁପତ୍ର ସଂଗ୍ରହ ମୂଲ୍ୟ ବୃଦ୍ଧି କରିବାକୁ ରାଜ୍ୟ ସରକାରଙ୍କ ପକ୍ଷରୁ ନିଷ୍ପତ୍ତି ନିଆଯାଇଛି। ଏହାଦ୍ଵାରା ରାଜ୍ୟର ୭.୫୦ ଲକ୍ଷ କେନ୍ଦୁପତ୍ର ତୋଳାଳୀ ଓ ଜନଜାତି ମହିଳାଙ୍କୁ ₹୨୪୦ କୋଟିର ଅଧିକ ରୋଜଗାର ମିଳିବ।
ଏଥିସହ କେନ୍ଦୁପତ୍ର ତୋଳାଳୀଙ୍କ ସାମାଜିକ ସୁରକ୍ଷା ସୁନିଶ୍ଚିତ କରିବା ଲକ୍ଷ୍ୟରେ ରାଜ୍ୟ ସରକାର ବୋନସ ଓ ବିଭିନ୍ନ ଭତ୍ତା ବାବଦରେ ₹୧୨୦ କୋଟି ମଞ୍ଜୁର କରିଛନ୍ତି। ଏହାଦ୍ବାରା ୮ ଲକ୍ଷ କେନ୍ଦୁପତ୍ର ତୋଳାଳୀ, କେନ୍ଦୁପତ୍ର ବନ୍ଧାଳୀ ଓ ଅନ୍ୟାନ୍ୟ କର୍ମଚାରୀ ବିଶେଷ ଉପକୃତ ହେବେ.
