By Our Correspondent
BHUBANESWAR: ରାଜଧାନୀର ଜଣାଶୁଣା ଘରୋଇ କୋଚିଂ ସେଣ୍ଟର ବାଣିକ୍ରେ ସେଣ୍ଟ୍ରାଲ ଜିଏସଟି ରେଡ୍ ହୋଇଛି। ଡାଇରୋକ୍ଟୋରେଟ୍ ଜେନେରାଲ ଅଫ୍ ଜିଏସଟି ଇଣ୍ଟେଲିଜେନ୍ସ ପକ୍ଷରୁ ଏହି ଚଢ଼ାଉ କରାଯାଇଛି। ଭୁବନେଶ୍ୱରରେ ଇନଷ୍ଟିଚ୍ୟୁଟର ୨ଟି ସ୍ଥାନରେ ଚଢାଉ କରାଯାଉଥିବା ସୂଚନା ମିଳିଛି।
ଲକ୍ଷାଧିକ ଟଙ୍କାର ଜିଏସ୍ଟି ଫାଙ୍କି ଅଭିଯୋଗରେ ଏହି ଚଢ଼ାଉ ହୋଇଥିବା ସୂଚନା ମିଳିଛି। ତେବେ ବାଣିକ୍ ଇନଷ୍ଟିଚ୍ୟୁଟ୍ କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳିପାରିନାହିଁ।
ତେବେ ବାଣିକ୍ ଇନଷ୍ଟିଚ୍ୟୁଟ୍ର ମାଲିକ ସୁବ୍ରତ ଛାଟୋଇ ଜଣେ ବିଜେଡି ନେତା ବୋଲି ଜଣାପଡ଼ିଛି । ଏହା ସହିତ ଜଣେ ବରିଷ୍ଠ ବିଜେଡି ନେତାଙ୍କ ଘନିଷ୍ଠ ସହଯୋଗୀ ବୋଲି ଜଣାପଡ଼ିଛି।
ବାଣିକ୍ କୋଚିଂ ସେଣ୍ଟର ରାଜଧାନୀର ଏକ ଜଣାଶୁଣା କୋଚିଂ ସେଣ୍ଟର। ଏଠାରେ ଆଇଏଏସ୍, ଓଏଏସ୍ ଏବଂ ୟୁପିଏସ୍ସି ସହ ବିଭିନ୍ନ କଂପିଟିଟିଭ୍ ପରୀକ୍ଷା ଲାଗି କୋଚିଂ ଦିଆଯାଏ ବୋଲି ଜଣାପଡ଼ିଛି।
ଏନେଇ ଜିଏସ୍ଟି ଅତିରିକ୍ତ ମହାନିର୍ଦ୍ଦେଶକ ଦେବାଶିଷ ସାହୁ କହିଛନ୍ତି, ଏହି ମାମଲାରେ ତଦନ୍ତ ଚାଲିଛି। ଠକେଇ ସ୍ପଷ୍ଟ ହେବା ପରେ ସୂଚନା ଦିଆଯିବ। ତେବେ କୌଣସି ସ୍ଥାନରେ ଠକେଇ ହେଉଥିବା ବହୁ ତନଖି ଓ ଗୁଇନ୍ଦା ସୂଚନା ଆଧାର କରି ହିଁ ଚଢ଼ାଉ ହୋଇଥାଏ।
ଓଡ଼ିଶାରେ ୨୦୨୨-୨୩ ଆର୍ଥିକ ବର୍ଷରେ ପ୍ରାୟ ୨୨୦୦ କୋଟି ଟଙ୍କାର ଜିଏସ୍ଟି ଠକେଇ ହୋଇଥିବା ଚଢ଼ଉ ବେଳେ ଧରାପଡ଼ିଛି। ଯାହାପରେ ବିଭିନ୍ନ ସେବାଦ୍ରବ୍ୟ କଳାକାରନାରେ ଓଡ଼ିଶାରେ ପ୍ରାୟ ୧୦ ହଜାର କୋଟି ଟଙ୍କା ଠକେଇ ହୋଇଥିବା ଅନୁମାନ କରାଯାଉଛି। ବିଭିନ୍ନ ଘଟଣାରେ ପ୍ରାୟ ୮ ଜଣଙ୍କୁ ଗିରଫ କରାଯାଇଛି ବୋଲି ଶ୍ରୀ ସାହୁ କହିଛନ୍ତି।
