By Our Correspondent
PURI/BHUBANESWAR: ଆଜି ଶ୍ରୀମନ୍ଦିର ରତ୍ନଭଣ୍ଡାର ମରାମତି କାର୍ଯ୍ୟ ASI ପକ୍ଷରୁ ପୂର୍ବ ନିର୍ଦ୍ଧାରିତ ବ୍ୟବସ୍ଥା ଏବଂ ଅନୁମୋଦିତ ମାର୍ଗଦର୍ଶିକା ଅନୁସାରେ ଆରମ୍ଭ ହୋଇଅଛି। ଚଳିତ ପହିଲି ଭୋଗ ମାସରେ ତା 17-12-24 ରିଖ ଠାରୁ ରତ୍ନଭଣ୍ଡାର ଗୃହ ମରାମତି କରାଯିବା ପାଇଁ ଛତିଶା ନିଯୋଗ ବୈଠକରେ ପୂର୍ବରୁ ସ୍ଥିର କରାଯାଇଥିଲା। l
ଧାର୍ଯ୍ୟ ନୀତିକାନ୍ତି ଅନୁସାରେ, ଆଜି ସକାଳୁ ସମସ୍ତ ନୀତି ସମ୍ପାଦିତ ହୋଇଥିଲା l ଏହାପରେ ପ୍ରସ୍ତୁତି ସହ ASI ବୈଷୟିକ ଦଳ ରତ୍ନ ଭଣ୍ଡାର କାର୍ଯ୍ୟ ପାଇଁ ପ୍ରବେଶ କରିବା ସହ ମରାମତି ସମ୍ପର୍କିତ କାର୍ଯ୍ୟ ଆରମ୍ଭ କରିଛନ୍ତି l
ଆଜି ରତ୍ନଭଣ୍ଡାର ମରାମତି କାର୍ଯ୍ୟ ସୂଚାରୂ ରୂପେ ଆରମ୍ଭ ହୋଇଥିବା ବେଳେ ଏସମ୍ପର୍କିତ ନୀତି ଶୃଙ୍ଖଳା ତଥା ସହଯୋଗ ସକାଶେ ସମସ୍ତ ସେବାୟତ ନିଯୋଗ, ପାଳିଆ ସେବକ, ASI ଟିମ୍, ଶ୍ରୀମନ୍ଦିର ପ୍ରଶାସନ, ଜିଲ୍ଲା ଓ ପୋଲିସର ସମ୍ପୃକ୍ତ କର୍ମଚାରୀଙ୍କ ସମେତ ସମସ୍ତ ଭକ୍ତ ଗଣ ଏବଂ ଗଣମାଧ୍ୟମ ବନ୍ଧୁ ମାନଙ୍କୁ ଆନ୍ତରିକ କୃତଜ୍ଞତା ଏବଂ ଧନ୍ୟବାଦ ଅର୍ପଣ କରିଛନ୍ତି ମୁଖ୍ୟ ପ୍ରଶାସକ ଡ. ଅରବିନ୍ଦ କୁମାର ପାଢୀ ।
