By Our Correspondent
PURI/BHUBANESWAR: ଆଜି ତିନି ରଥର ନିର୍ମାଣକାରୀ ସେବକ ମାନେ ରଥ ଖଳାଠାରେ ସକାଳ ଘ.୮.୦୦ ଟିକା ରେ ଉପସ୍ଥିତ ପୂର୍ବକ ତିନିରଥ ମୁଖ୍ୟ ବିଶ୍ଵକର୍ମା ସେବକଙ୍କ ନିର୍ଦ୍ଦେଶରେ ନିର୍ମାଣ କାର୍ଯ୍ୟ ଆରମ୍ଭ କରିଥିଲେ।
ଭଉଁରୀ ତିଥିରେ ତିନି ରଥର ଚକ..ଅଖ ଡେରା ନୀତି ସମ୍ପନ୍ନ. ଆଜି ପବିତ୍ର ଭଉଁରୀ ତିଥିରେ ଚକ..ଅଖ ଡେରା ନୀତି ପାଳିତ ହୋଇଅଛି, ମହାପ୍ରଭୁ ଶ୍ରୀ ଜଗନ୍ନାଥଙ୍କ ନନ୍ଦିଘୋଷ ରଥ, ବଳଭଦ୍ର ମହାପ୍ରଭୁଙ୍କ ତାଳଧ୍ଵଜ ରଥ ଏବଂ ଦେବୀ ସୁଭଦ୍ରା ଙ୍କ ଦର୍ପ ଦଳନ ରଥର ଚକ ସହ ଅଖ ସଂଯୋଗ ପୂର୍ବକ ଆଜି ଚକ ଡେରା ନୀତି . ଶ୍ରୀମନ୍ଦିରରୁ ଶ୍ରୀ ବିଗ୍ରହଙ୍କ ଆଜ୍ଞା ମାଳ ବିଜେ ପରେ ପୂଜାର୍ଚ୍ଚନା ପୂର୍ବକ ଏହି ନୀତି ସମ୍ପନ୍ନ ହୋଇଅଛି।
ମହାପ୍ରଭୁଙ୍କ ସକାଳ ଧୂପ ଶେଷ ହେବାପରେ ରତ୍ନ ସିଂହାସନରୁ ତିନି ଠାକୁରଙ୍କ ଆଜ୍ଞା ମାଳ ଶ୍ରୀନଅରକୁ ପୂର୍ବାହ୍ନ ଘ.୧୧.୦୦ ଟିକା ରେ ବିଜେ ହୋଇ ଆସିବାରେ ଘ.୧୧.୧୦ ରେ ତାଳଧ୍ଵଜ ରଥର ଭୋଇ ସେବକ ମାନେ ଭୋଇ ସର୍ଦ୍ଦାର ରବି ଭୋଇଙ୍କ ତତ୍ତ୍ୱାବଧାନରେ ତାଳଧ୍ଵଜ ରଥର ଚକ – ଅଖ ସଂଯୋଗ କରିଥିଲେ,ନନ୍ଦିଘୋଷ ରଥର ଚକ..ଅଖ ସଂଯୋଗ ଘ.୧୧.୧୫ ମି. ଏବଂ ଦେବୀ ସୁଭଦ୍ରା ଙ୍କ ରଥ ଚକ..ଅଖ ଘ.୧୧.୧୮ ମିନିଟ ରେ ସଂଯୋଗ ସମ୍ପନ୍ନ ପରେ ତିନି ପୂଜାପଣ୍ଡା ସମନ୍ତଙ୍କଦ୍ୱାରା ତଳ ଧ୍ଵଜ ରଥ ଚକ ଅଖରେ ଆଜ୍ଞା ମାଳ ଲାଗି ଘ.୧୧.୨୦ ମିନିଟ ରେ, ନନ୍ଦିଘୋଷ ରଥର ଚକ ଆଖରେ ଆଜ୍ଞା ମାଳ ଲାଗି ଘ.୧୧.୨୨ ମିନିଟରେ ଏବଂ ଦର୍ପ ଦଳନ ରଥ ଚକ ଅଖରେ ଘ.୧୧.୨୪ ମିନିଟରେ ଆଜ୍ଞା ମାଳ ଲାଗି ସମ୍ପନ୍ନ ହୋଇଥିଲା
ଶ୍ରୀମନ୍ଦିର ରତ୍ନ ସିଂହାସନରୁ ଶ୍ରୀ ବିଗ୍ରହ ମାନଙ୍କ ଆଜ୍ଞା ମାଳ ବିଜେ କରାଇ ଶୋଭାଯାତ୍ରାରେ ବଡ ଠାକୁରଙ୍କ ବାଡରୁ ଶ୍ରୀ ନରସିଂହ ପୂଜାପଣ୍ଡା ସାମନ୍ତ, ଦେବୀ ସୁଭଦ୍ରାଙ୍କ ବାଡରୁ ଶ୍ରୀ ରାଧା ଗୋବିନ୍ଦ ପୂଜାପଣ୍ଡା ସାମନ୍ତ ଏବଂ ମହାପ୍ରଭୁ ଶ୍ରୀଜଗନ୍ନାଥଙ୍କ ବାଡରୁ ଶ୍ରୀ କୃଷ୍ଣ ଚନ୍ଦ୍ର ପୂଜାପଣ୍ଡା ସାମନ୍ତେ ଆସି ଭଉଁରୀ ତିଥିରେ ତିନି ରଥର ଚକ ଆଖରେ ଆଜ୍ଞା ମାଳ ଲାଗି ସମ୍ପନ୍ନ କରିଥିଲେ ।
ଭଉଁରୀ ତିଥିରେ ଚକା ଡେରା ନୀତି ପରେ ପରମ୍ପରା ପ୍ରକାରେ ରଥ ଖଳାରେ ନିର୍ମାଣ କାର୍ଯ୍ୟ ବନ୍ଦ ରହିଥାଏ, ଆଜି ମଧ୍ୟାହ୍ନ ବିରତି ପର୍ଯ୍ୟନ୍ତ ରଥ ଖଳାରେ ତିନି ରଥର ନିର୍ମାଣକାରୀ ସେବକ ମାନେ ରଥ ନିର୍ମାଣ କାର୍ଯ୍ୟ ଜାରୀ ରଖି କାର୍ଯ୍ୟ ଶେଷ ବେଳକୁ ଆଜିସୁଦ୍ଧା ତିନି ରଥର ମୋଟ ୨୦ ଗୋଟି ଚକ ନିର୍ମାଣ ଶେଷ ହୋଇଛି ।ତାଳଧ୍ଵଜ ରଥର ଗତକାଲି ସୁଦ୍ଧା ୫ ଟି ଚକ ନିର୍ମାଣ ଶେଷ ହୋଇ,ଆଜି ଆଉ ଦୁଇଟି ତୁମ୍ବ ସିଙ୍ଗଡ଼ା ରେ ପଇ ସଂଯୋଗ ପୂର୍ବକ ପାଇ କଳସା ଶେଷ ପର୍ଯ୍ୟାୟରେ ପହଁଚିଛି।
ଦର୍ପଦଳନ ରଥର ଗତକାଲି ସୁଦ୍ଧା ୫ଟି ଚକ ନିର୍ମାଣ ଶେଷ ହୋଇଥିଲା ଆଜି ଆଉ ଦୁଇଟି ଚକ ନିର୍ମାଣ ଶେଷ ହୋଇ ଆଜିସୁଦ୍ଧା ଦର୍ପଦଳନ ରଥର ୭ଗୋଟି ଚକ ନିର୍ମାଣ ଶେଷ ହୋଇଛି। ସେହିପରି ନନ୍ଦି ଘୋଷ ରଥର ଗତକାଲି ସୁଦ୍ଧା ୬ ଗୋଟି ଚକ ନିର୍ମାଣ ଶେଷ ହୋଇଥିଲା ଆଜି ନନ୍ଦି ଘୋଷ ରଥର ମହାରଣା ସେବକ ମାନେ କାର୍ଯ୍ୟ ଶେଷ ବେଳକୁ ଆଉ ଦୁଇଟି ଚକ ନିର୍ମାଣ ଶେଷ କରି ଆଜିସୁଦ୍ଧା ନନ୍ଦି ଘୋଷ ରଥର ୮ଗୋଟି ଚକ ନିର୍ମାଣ ଶେଷ ହୋଇଛି । ଏହିପରି ତିନି ରଥର ଆଜି ସୁଦ୍ଧା ୨୦ ଗୋଟି ଚକ ନିର୍ମାଣ ଶେଷ ହୋଇଅଛି ।
ରଥ ନିର୍ମାଣକାରୀଙ୍କ ଉପସ୍ଥାନ
ତିନି ରଥର ମହାରଣା ସେବକ – ୭୭
ତିନି ରଥର ଭୋଇ ସେବକ – ୭୭
ତିନି ରଥର କରତୀ ସେବକ – ୪
ତିନି ରଥର ରୂପକାର ସେବକ – ୨୧
ତିନି ରଥର କମାର ସେବକ – ୧୭
ତିନି ରଥର ବିନ୍ଧ କାରୀଗର – ୨
ପାହି ମହାରଣା – ୨
ରଥଖଳା ସହାୟକ(ପାଣିବାଲା) – ୧
ମୋଟ – ୨୦୧ ଜଣ
