By Our Correspondent
PURI: ରଥାରୂଢ ଶ୍ରୀବିଗ୍ରହ ଦୁର୍ଲଭ ସୁନାବେଶରେ ଦର୍ଶନ ଦେଇଛନ୍ତି। ମହାପ୍ରଭୁଙ୍କ ଆଶୀର୍ବାଦରେ ଏସମ୍ପର୍କିତ ନୀତିକାନ୍ତି ଶୃଙ୍ଖଳିତ ଭାବେ ସମାପନ କରିଥିବାରୁ ସମସ୍ତ ସେବକ ବନ୍ଧୁଗଣଙ୍କୁ ଆନ୍ତରିକ ଧନ୍ୟବାଦ ଜ୍ଞାପନ କରିଛନ୍ତି ଶ୍ରୀମନ୍ଦିର ମୁଖ୍ଯ ପ୍ରଶାସକ ଡ ଅରବିନ୍ଦ ପାଢୀ।
ସୁନାବେଶ ନୀତି ଅନୁପାଳନରେ ସହଯୋଗ ପାଇଁ ଶ୍ରୀମନ୍ଦିର ପ୍ରଶାସନର କର୍ମଚାରୀ, ଜିଲ୍ଲା ତଥା ପୋଲିସ୍ ପ୍ରଶାସନ, ରାଜ୍ଯ ସରକାରଙ୍କ ବିଭିନ୍ନ ବିଭାଗ, ସ୍ବେଚ୍ଛାସେବୀ ସଂଗଠନ, ଗଣମାଧ୍ୟମ ଏବଂ ସର୍ବୋପରି ସୁନାବେଶରେ ମହାପ୍ରଭୁଙ୍କ ଦର୍ଶନ ପାଇଁ ଲକ୍ଷ ଲକ୍ଷ ସଂଖ୍ୟାରେ ଆସିଥିବା ଜଗନ୍ନାଥ ପ୍ରେମୀ ଭକ୍ତବୃନ୍ଦଙ୍କୁ ଧନ୍ୟବାଦ ଏବଂ ଗଭୀର କୃତଜ୍ଞତା ଜ୍ଞାପନ କରିଛନ୍ତି ଶ୍ରୀମନ୍ଦିର ମୁଖ୍ଯ ପ୍ରଶାସକ l
ଏଥି ସହ ଆଗାମୀ ଅଧରପଣା ଓ ନୀଳାଦ୍ରି ବିଜେ ନୀତି ସମ୍ପାଦନରେ ମଧ୍ଯ ସମସ୍ତଙ୍କର ସହଯୋଗ କାମନା କରି ପୁଣିଥରେ ଧନ୍ୟବାଦ ଅର୍ପଣ କରିଛନ୍ତି।
