By Pradip Pradhan
BHUBANESWAR: ମୁଖ୍ୟମନ୍ତ୍ରୀ ଙ୍କ ନିର୍ଦ୍ଧେଶରେ ଓ ମୁଖ୍ୟମନ୍ତ୍ରୀ ଙ୍କ ଦପ୍ତରର ତତ୍କାଳୀନ ପ୍ରମୁଖ ଶାସନ ସଚିବ ତଥା କଂଗ୍ରେସ ନେତା ଶ୍ରୀ ବିଜୟ ପଟ୍ଟନାୟକ ଙ୍କ ତତ୍ତ୍ଵାବଧାନରେ ବିଜେଡି ଓ ବିଜେପି ର ମିଳିତ ସରକାର ବେଦାନ୍ତ କମ୍ପାନୀ ପ୍ରତି ଅହେତୁକ ଅନୁକମ୍ପା ଦେଖାଇ ସମସ୍ତ ଆଇନ ଗତ ବ୍ୟବସ୍ଥାକୁ ମୋଡି ମକଚି ଦେଇ ପୁରୀ ଜିଲ୍ଲାର ଗରିବ ଚାଷୀଙ୍କ ହଜାର ହଜାର ଏକର ମୂଲ୍ୟବାନ ଜମି ଓ ଜଗନ୍ନାଥଙ୍କ ଜମିକୁ ଦେଦାନ୍ତ କମ୍ପାନୀ ହାତକୁ ଟେକି ଦେଇଥିଲେ । କଂଗ୍ରେସ ନେତା ଉମା ବଲ୍ଲଭ ରଥ ଙ୍କ ସମେତ ଚାଷୀ ମାନଙ୍କର ଲଢେଇ ଏବଂଉଭୟ ହାଇକୋର୍ଟ ଏବଂ ସୁପ୍ରିମକୋର୍ଟଙ୍କ ରାୟ ଯୋଗୁଁ ଆଜି ଏହି ତଥ୍ୟ ଲୋକଲୋଚନକୁ ଆସିଛି । ଉଭୟ ବିଜେଡି ଓ ବିଜେପି ଦଳର ନେତାମାନେ କିଭଳି କମ୍ପାନୀ ମାନଙ୍କ ଠାରୁ ପ୍ରଚୁର ଅର୍ଥ ନେଇ ଓଡିଶା ର ସମ୍ପଦକୁ ଲୁଟ ପାଇଁ ସମଗ୍ର ପ୍ରଶାସନ କୁ ସେମାନଙ୍କ ପାଇଁ ବ୍ୟବହାର କରନ୍ତି , ଏହାର ଜ୍ୱଳନ୍ତ ଉଦାହରଣ ହେଉଛି ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ ଓ ବିଶ୍ୱବିଦ୍ୟାଳୟ ନଥାଇ ବିଧାନସଭାରେ ବେଦାନ୍ତ ବିଶ୍ୱବିଦ୍ୟାଳୟ ଆଇନ ପ୍ରଣୟନ ।
ଗୋଟିଏ କମ୍ପାନୀର ସ୍ୱାର୍ଥ ପାଇଁ ନବୀନ ବାବୁଙ୍କ ସରକାର ଙ୍କ ବ୍ୟଗ୍ରତା ଓ ବେଆଇନ କାର୍ଯ୍ୟ ଓଡିଶା ଇତିହାସରେ ବିରଳ । ଏହା କେବଳ ଗୋଟିଏ ଘଟଣା ନୁହେଁ ଶହ ଶହ ବେଆଇନ ଘଟଣା ମଧ୍ୟରୁ ଅନ୍ୟତମ । ଦୁଇ ବିରୋଧୀ ଦଳ କଂଗ୍ରେସ ଓ ବିଜେପିର ସହାୟତାରେ ବିଜେଡି ସରକାରର କୁଶାସନ , ଲୁଟାତରାଜ , ଓ କମ୍ପାନି ପ୍ରୀତି କିପରି ରାଜ୍ୟକୁ ବରବାଦ କରୁଛନ୍ତି , ଏହାକୁ ଏକ ଉଦାହରଣ ଭାବେ ନିଆଯାଇପାରେ । ୨୦୨୩ ର ସବୁଠାରୁ ଆଶ୍ଚର୍ଯ୍ୟ ଜନକ ଘଟଣା ହେଉଛି , ମୁଖ୍ୟମନ୍ତ୍ରୀ ଙ୍କ ସହିତ ମିଶି ଓଡିଶାକୁ ଲୁଟ କରିବାରେ ଯେଉଁ bureaucrat ସମସ୍ତ ସାହାଯ୍ୟ ଓ ସହଯୋଗ ଯୋଗାଇଦେଲେ , ସେହି ବ୍ୟକ୍ତି ବିଜୟ ପଟ୍ଟନାୟକ କଂଗ୍ରେସ ଦଳର ଯୋଗ ଦେଇଛନ୍ତି ଓଡ଼ିଶାର ବିକାଶ ପାଇଁ । ବିଜୟ ପଟ୍ଟନାୟକ ଙ୍କ ଯୋଗଦାନ ଦିନ କେଂଗ୍ରେସ ଦଳର ନେତାମାନେ ଯେପରି କୁତୁକୁତୁ ହେଉଥିଲେ , ତାହା ମଧ୍ୟ କଂଗ୍ରେସ ଦଳର ଇତିହାସରେ ଏକ ବିରଳ ଘଟଣା । ସେଥିପାଇଁ ସୁପ୍ରିମକୋର୍ଟ ଙ୍କ ରାୟ କୁ ନେଇ କଂଗ୍ରେସ ଦଳ ଯେପରି ରାଜନୈତିକ କାର୍ଯ୍ୟକ୍ରମ କରିବା କଥା , ସେପରି କିଛି କରୁନାହିଁ ଏବଂ କରିବ ମଧ୍ୟ ନାହିଁ । ବିଜେପି ଦଳର ମଧ୍ୟ ସେହି ଦଶା । ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ କୁ ବିଜେପି ଦଳର ମନ୍ତ୍ରୀ ମାନେ ସମସ୍ତ ସହଯୋଗ କରିଥିଲେ । ବିଜେପି ଦଳ ମଧ୍ୟ ବିରୋଧ କରିନଥିଲା । କାରଣ ବେଦାନ୍ତ ଉଭୟ ଦଳକୁ ପ୍ରଚୁର ଟଙ୍କା ଦେଇଥିଲା ।
ବେଦାନ୍ତ କମ୍ପାନୀ ପାଇଁ ବିଜେଡି-ବିଜେପି ସରକାର କିପରି ମାତ୍ରାଧିକ ଅହେତୁକ ଅନୁକମ୍ପା ଦେଖାଇଥିଲେ , ତାହା ଏଠାରେ ଉପସ୍ଥାପନା କରାଗଲା ।
୧. ନାମଲେଖାଠାରୁ ଆରମ୍ଭ କରି ଫିସ ଆଦାୟ, ଶିକ୍ଷକ ନିଯୁକ୍ତି , ପାଠପଢା ପାଇଁ curriculum ପ୍ରସ୍ତୁତି ଏବଂ ସମସ୍ତ ପ୍ରଶାସନିକ କ୍ଷମତା ବେଦାନ୍ତ ବିଶ୍ୱବିଦ୍ୟାଳୟ ଅଧିନରେ ରହିବ । ଅର୍ଥାତ ରାଜ୍ୟ ସରକାର କୌଣସି କ୍ଷେତ୍ରରେ ହସ୍ତକ୍ଷେପ କରିବେ ନାହିଁ ।
୨. ସରକାରଙ୍କ କୌଣସି ସରଂକ୍ଷଣ ନିୟମ ( reservation policy) ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଲାଗୁ ହେବ ନାହିଁ ।
୩. UGC, AICTE ରୁ ଶ୍ରୀଘ୍ର regulatory approval ପାଇଁ ରାଜ୍ୟ ସରକାର ସମସ୍ତ ଉଦ୍ୟମ କରିବେ ।
୪. ରାଜ୍ୟ ସରକାର ନିଜ ଅର୍ଥରେ ଭୁବନେଶ୍ୱର ରୁ ପୁରୀ-କୋଣାର୍କ ସମୁଦ୍ରତଟରେ ନିର୍ମାଣ ହେବାକୁ ଥିବା ବିଶ୍ୱବିଦ୍ୟାଳୟ ପର୍ଯ୍ୟନ୍ତ ୪-ଥାକିଆ (4Lane) ରାସ୍ତା ନିର୍ମାଣ କରିବେ ।
୫. ରାଜ୍ୟ ସରକାର ବେଦାନ୍ତ ବିଶ୍ୱବିଦ୍ୟାଳୟ ନିର୍ମାଣ ହେବା ଆରମ୍ଭରୁ ସମସ୍ତ ପ୍ରକାର ଟିକସ ଯଥା VAT, Works Contract Tax, Stamp duty, Entry Tax, educational aids, lab equipment and tools, construction materials ଇତ୍ୟାଦି ସମ୍ପୂର୍ଣ୍ଣ ଛାଡ଼ କରିବେ । ଏହାଦ୍ୱାରା ଶହ ଶହ କୋଟି ଟଙ୍କାର benefit ବେଦାନ୍ତ ପାଇବ ।
୬. ରାଜ୍ୟ ପ୍ରଦ୍ୟୁଷଣ କଣ୍ଟ୍ରୋଲ ବୋର୍ଡ ରୁ ରୁ NOC ଆଣିବାରେ ସାହାଯ୍ୟ କରିବେ ।
୭. ବିଶ୍ୱବିଦ୍ୟାଳୟ ପାଇଁ ଯେତେ ପାଣି ଓ ବିଦ୍ୟୁତ ଆବଶ୍ୟକ , ସରକାର ଯୋଗାଇ ଦେବେ ।
ତା ୨୩.୬.୨୦୦୬ ରିଖରେ A.T.Kearney Limited ନାମକ ଏକ ବେସରକାରୀ ସଂସ୍ଥା ର ପ୍ରିନ୍ସିପାଲ ମୋହିତ କୁମାର ରଣା ରାଜ୍ୟ ସରକାରଙ୍କୁ ଏକ ଚିଠି ଲେଖି ଦର୍ଶାଇଲେଯେ , Vedanta Resource Limited ଓଡ଼ିଶାରେ ଏକ ବିଶ୍ୱବିଦ୍ୟାଳୟ କରିବ । ବେଦାନ୍ତର ଏକ ଟିମ ଓଡିଶା ବୁଲି ଦେଖିବାପରେ Puri-Konark Marine Drive ଅଂଚଳ ସର୍ବୋକୃଷ୍ଟ ସ୍ଥାନ ନିରୂପଣ କରି ବିଶ୍ୱବିଦ୍ୟାଳୟ ପାଇଁ ୧୫,୦୦୦ ଏକର ଜମି ଦେବା ପାଇଁ ରାଜ୍ୟ ସରକାରଙ୍କୁ ପ୍ରସ୍ତାବ ଦେଲେ । ମୁଖ୍ୟମନ୍ତ୍ରୀ କାଳବିଲମ୍ବ ନକରି ୧୯.୭.୨୦୦୬ ରେ ବେଦାନ୍ତ କମ୍ପାନୀର Vedanta Foundation ନାମରେ ଗଠିତ ଏକ private କମ୍ପାନୀ ସହିତ ରାଜ୍ୟ ସରକାରଙ୍କର ଏକ ଚୁକ୍ତିନାମା କରାଇନେଲେ । ମୁଖ୍ୟମନ୍ତ୍ରୀ ନିଜେ ବିଭିନ୍ନ ବିଭାଗର ସଚିବ ମାନଙ୍କ ର ବୌଠ କ ଡାକି ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ ଠାରୁ ଅନ୍ୟାନ୍ୟ କାର୍ଯ୍ୟ ତ୍ୱରାନ୍ୱିତ କରିବାକୁ ନିର୍ଦ୍ଧେଶ ଦେଲେ । ବେଦାନ୍ତ କୁ କିପରି ଜମି ଶ୍ରୀଘ୍ର ଦିଆଯିବ , ଏହାର ମୁଖ୍ୟ ସୂତ୍ରଧର ଥିଲେ ବିଜୟ ପଟ୍ଟନାୟକ । ମୁଖ୍ୟମନ୍ତ୍ରୀ ଙ୍କ ଦପ୍ତରର ସେ ଏକ ସରକାରୀ ଅଧିକାରୀ ଥିଲେ ମଧ୍ୟ , ବେଦାନ୍ତ କମ୍ପାନୀର ଏକ ବଡ଼ ଦଲାଲ ଭାବେ କାମ କରୁଥିଲେ । ପରବର୍ତ୍ତୀ ପର୍ଯ୍ୟାୟରେ କମ୍ପାନୀ ଠାରୁ ସେ ବହୁ benefit ମଧ୍ୟ ପାଇଥିଲେ ।
ପୁରୀ-କୋଣାର୍କ ବେଳାଭୂମିରେ ବେଦାନ୍ତ ମାଗିଥିବା ଜମି ଦେବା କେତେଦୂର ଠିକ ହେବ ଏବଂ ଗୋଟିଏ ବିଶ୍ୱବିଦ୍ୟାଳୟ ପାଇଁ ଏକା ଥରକେ ୧୫୦୦୦ ଏକର ଜମି କଣ ଦରକାର , ଏହାର ତର୍ଜମା ରାଜ୍ୟ ସରକାର ନକରି ଅଳ୍ପ ଦିନ ମଧ୍ୟରେ ସରକାର ୮୦୦୦ଏକର ଜମି ଦିଆଯାଇପାରିବ ବୋଲି ବେଦାନ୍ତ ଫାଉଣ୍ଡେସନ କୁ ଜଣାଇଥିଲେ । ଏହି ସବୁ କାର୍ଯ୍ୟ ଅତ୍ୟନ୍ତ କ୍ଷିପ୍ର ଗତିରେ ଚାଲୁଥିଲା । ସମସ୍ତ କାର୍ଯ୍ୟକୁ ମୁଖ୍ୟମନ୍ତ୍ରୀ ଓ ବିଜୟ ପଟ୍ଟନାୟକ ବ୍ୟକ୍ତିଗତ ଭାବେ ତଦାରଖ କରୁଥିଲେ ।
ସରକାରୀ ସ୍ତରରେ ନିଷ୍ପତ୍ତି ହେଉ ହେଉ ରାଜ୍ୟ ସରକାର ପୁରୀ ଜିଲ୍ଲାପାଳଙ୍କୁ ତୁରନ୍ତ ଜମି ଅଧିଗ୍ରହଣ ପାଇଁ ନିର୍ଦ୍ଧେଶ ଦେଇଥିଲେ । ଜମି ଅଧିଗ୍ରହଣ ଆଇନ ( Land Acquisition Act) ର ସମସ୍ତ ବିଧି ବ୍ୟବସ୍ଥାକୁ ବେଖାତିର କରି ସମ୍ପୂର୍ଣ ବେଆଇନ ଭାବେ ଜମି ଅଧିଗ୍ରହଣ କରାଗଲା। କ୍ଷତିଗ୍ରସ୍ତ ଚାଷୀଙ୍କ ମତାମତ ନିଆଗଲା ନାହିଁ । ମୂଲ୍ୟବାନ ସରକାରୀ ଜମି , ନୂଆନଇ କୁ ମଧ୍ୟ ବେଦାନ୍ତ କମ୍ପାନୀ କୁ ଦେବାକୁ ନିଷ୍ପତ୍ତି ନେଲେ । ବେଦାନ୍ତ ଫାଉଣ୍ଡେସନ ଏକ private company ବୋଲି ଜାଣି ମଧ୍ୟ ଆଇନ ବିଭାଗର ପରାମର୍ଶ କୁ ବେଖାତିର କରି ଏହି ଜମି ଅଧିଗ୍ରହଣ କରାଗଲା । ଆଇନ ଅନୁଯାୟୀ , କେବଳ public purpose ପାଇଁ ଜମି ଅଧିଗ୍ରହଣ କରାଯିବ । ବେଦାନ୍ତ କମ୍ପାନୀ ପୁଣି ବେଦାନ୍ତ ଫାଇଣ୍ଡେସନ ନାମକୁ ପରିବର୍ତ୍ତନ କରି Anil Agrawal Foundation ନାମରେ public company ଭାବେ ପଞ୍ଜିକୃତ କରାଇଲେ । ସେତେବେଳକୁ ଜମି ଅଧିଗ୍ରହଣ ସରିଥିଲା । ଏକ fake Company ପାଇଁ ତଥାକଥିତ ବିଶ୍ୱ ବିଦ୍ୟାଳୟ ପାଇଁ ରାଜ୍ୟ ସରକାର କିପରି ଅହେତୁକ ଅନୁକମ୍ପା ଦେଖାଉଥିଲେ , ଏହା ସ୍ପଷ୍ଟ ଅନୁମେୟ ।
ଏଠାରେ ସୂଚନାଯୋଗ୍ୟ ଯେ, ବେଦାନ୍ତ କମ୍ପାନୀ ବିଶ୍ୱବିଦ୍ୟାଳୟ ପ୍ରତିଷ୍ଠା ପାଇଁ ୧୫୦୦୦ଏକର ଜମି ମାଗିଥିଲେ । ଏତେ ଏକର ଜମି ର ଆବଶ୍ୟକତା ସମ୍ପର୍କରେ ରାଜ୍ୟ ସରକାର କୌଣସି ପ୍ରଶ୍ନ କରି ନଥିଲେ । ସୁପ୍ରିମକୋର୍ଟ ରେ ଶୁଣାଣି ସମୟରେ ଶ୍ରୀ ପ୍ରଶାନ୍ତ ଭୂଷଣ ଏହି ପ୍ରସଙ୍ଗ ଉଠାଇ କହିଥିଲେଯେ , ବିଶ୍ବର ସବୁଠାରୁ ଅନ୍ୟତମ ଶ୍ରେଷ୍ଠ ବିଶ୍ୱବିଦ୍ୟାଳୟ ର କ୍ୟାମ୍ପସ ୮୧୦୦ଏକର ଜମି ଅଟେ । ବେଦାନ୍ତ ବିଶ୍ୱବିଦ୍ୟାଳୟ କିପରି, କେଉଁ ଆଧାରରେ ଏତେ ଏକର ଜମି ଆବଶ୍ୟକ , ଏ ସମ୍ପର୍କରେ ରାଜ୍ୟ ସରକାର କୌଣସି ପ୍ରଶ୍ନ କରି ନଥିଲେ ବା କମ୍ପାନୀ ଠାରୁ justification ମାଗିନଥିଲେ । ସେହିପରି ବିଶ୍ୱବିଦ୍ୟାଳୟ ନଥାଇ , ଏହାର କୌଣସି ସ୍ଥିତି ନଥାଇ ସରକାର କିପରି ବିଶ୍ୱବିଦ୍ୟାଳୟ ଆଇନ ବିଧାନସଭା ସଭାରେ ପାରିତ କରେଇଲେ , ସୁପ୍ରିମକୋର୍ଟ ଆଶ୍ଚର୍ଯ୍ୟ ପ୍ରକଟ କରିଥିଲେ । ଏଠାରେ ସୂଚନାଯୋଗ୍ୟଯେ, ଏଥିପାଇଁ ମୁଖ୍ୟମନ୍ତ୍ରୀ ଙ୍କ ନିର୍ଦ୍ଧେଶରେ ବିଧାନସଭା ର ସ୍ୱତନ୍ତ୍ର ଅଧିବେଶନ ବସି ବେଦାନ୍ତ ବିଶ୍ୱବିଦ୍ୟାଳୟ ଆଇନ ପାରିତ କରାଯାଇଥିଲା । ବେଦାନ୍ତ କମ୍ପାନୀଠାରୁ ପ୍ରଚୁର ଟଙ୍କା ଖାଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନେତୃତ୍ବରେ ମିଳିତ ବିଜେପି-ବିଜେଡି ସରକାର କିପରି ମୂଲ୍ୟବାନ ଜମିକୁ ଏକ ବେସରକାରୀ ସଂସ୍ଥାକୁ ନାମମାତ୍ର ଦରରେ ଦେଉଥିଲେ , ଏହା ତାର ନଗ୍ନ ଉଦାହରଣ ।
ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ ବେଆଇନ ଦର୍ଶାଇ ଲୋକପାଳ ରିପୋର୍ଟ ଦେଇଥିଲେ । ରାଜ୍ୟ ସରକାର ଲୋକପାଳ ଙ୍କ ରିପୋର୍ଟ କୁ ଗ୍ରହଣ କରି ନଥିଲେ । ଏହାପରେ କ୍ଷତିଗ୍ରସ୍ତ ଚାଷୀ ଏବଂ କଂଗ୍ରେସ ନେତା ଉମାବଲ୍ଲଭ ରଥ ହାଇକୋର୍ଟ ରେ ଚାଲେଞ୍ଜ କରିଥିଲେ । ୧୬.୧୧.୨୦୧୦ ରେ ହାଇକୋର୍ଟ ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ ବେଆଇନ ଦର୍ଶାଇ ଅଧିଗୃହିତ ଜମି ଲୋକଙ୍କୁ ଫେରାଇବାକୁ ସରକାରଙ୍କୁ ନିର୍ଦ୍ଧେଶ ଦେଇଥିଲେ । କୋର୍ଟ ଦର୍ଶାଇଥିଲେଯେ, ଜମି ଅଧିଗ୍ରହଣ ଆଇନକୁ ଅଣଦେଖା କରି ରାଜ୍ୟ ପ୍ରଶାସନ ଏହି ଜମି ବଳପୂର୍ବକ ଲୋକ ମାନଙ୍କ ଠାରୁ ନେଇଛନ୍ତି। ଏହି ବିଶ୍ୱବିଦ୍ୟାଳୟ ହେଲେ , ପୁରୀ- କୋଣାର୍କ ବେଳାଭୂମି ସ୍ଥିତ Balkhand Wildlife Sanctuary , ecosystem , ପ୍ରଭାବିତ ହେବ । ନୂଆ ନଈ କୁ କିପରି ସରକାର ଉକ୍ତ କମ୍ପାନୀ କୁ ଦେଇଛନ୍ତି , କୋର୍ଟ ଆଶ୍ଚର୍ଯ୍ୟ ହୋଇଥିଲେ । ବେଦାନ୍ତ ର ସ୍ୱାର୍ଥପାଇଁ ମୁଖ୍ୟମନ୍ତ୍ରୀ କିପରି ବ୍ୟସ୍ତ ଓ ବ୍ୟଗ୍ର ଥିଲେ , ଏଥିରୁ ପାଠକେ ବୁଝିପାରୁଥିବେ ।
ହାଇକୋର୍ଟ ଅର୍ଡରକୁ ବେଦାନ୍ତ କମ୍ପାନୀ ଓ ରାଜ୍ୟ ସରକାର ସୁପ୍ରିମକୋର୍ଟ ରେ ଚାଲେଞ୍ଜ କରିଥିଲେ । Civil Appeal No. 1144-1146/2011 ର ଶୁଣାଣି କରି ସୁପ୍ରିମକୋର୍ଟ ହାଇକୋର୍ଟ ଙ୍କ ରାୟକୁ କାଏମ ରଖିବା ସହ ବେଦାନ୍ତ ବିଶ୍ୱବିଦ୍ୟାଳୟ ପାଇଁ ଜମି ଅଧିଗ୍ରହଣ ବେଆଇନ ଏବଂ କ୍ଷତିଗ୍ରସ୍ତ ଚାଷୀଙ୍କୁ ଜମି ଫେରାଇବା , ସରକାରୀ ଜମି ସରକାରୀ ଖାତାକୁ ଫେରାଇନେବା ପାଇଁ ନିର୍ଦ୍ଦେଶ ଦେବା ସହ ବେଦାନ୍ତ କମ୍ପାନୀ ଉପରେ ୫,୦୦,୦୦୦ ଟଙ୍କା ଜରିମାନା କରିଥିଲେ ।
ଯେଉଁ ମାନେ ସ୍ବେଚ୍ଛାଚାରି ନବୀନ ପଟ୍ଟନାୟକଙ୍କ ସରକାର ର ବେଦାନ୍ତ ପ୍ରୀତି ବିରୁଦ୍ଧରେ ଲଢ଼ିଥିଲେ ମୂଖ୍ୟତଃ ଉମା ବଲ୍ଲଭ ରଥ ଏହାର ନେତୃତ୍ୱ ନେଇ ଏହି ଆନ୍ଦୋଳନ କୁ ସଫଳତାର ସହ ପରିଚାଳନା କରିଥିଲେ , ମୁଖ୍ୟମନ୍ତ୍ରୀ ଙ୍କ ଅସଲ ଚରିତ୍ର ଲୋକଲୋଚନକୁ ଆଣିଛନ୍ତି, ସମସ୍ତଙ୍କ ପାଇଁ ଏହା ଏକ ଉଦାହରଣ ହୋଇ ଓଡିଶା ଇତିହାସରେ ସ୍ୱର୍ଣ୍ଣ ଆକ୍ଷରରେ ଲିପିବଦ୍ଧ ହୋଇ ରହିବ ।
ରାଜ୍ୟରେ ଲୋକଙ୍କ ସମ୍ପଦ , ପ୍ରାକୃତିକ ସମ୍ପଦ ଲୁଟ କରି କମ୍ପାନୀ ମାନଙ୍କ ହାତକୁ ଟେକି ଦେବା , ସରକାରୀ ଯୋଜନା ରେ ଆସୁଥିବା ଅର୍ଥ କୁ ଲୁଟ କରି ଖାଇବା ଉତ୍ୟାଦି କାର୍ଯ୍ୟରେ ବିଜୁ ଜନତା ଦଳ ସରକାର ବ୍ୟସ୍ତ । ଏହି ସବୁ ଲୁଟାତରାଜ ରୁ ଲୋକଙ୍କ ଠାରୁ ଲୁଚେଇରଖିବା ପାଇଁ , ଗଣମାଧ୍ୟମ କୁ ଲଗେଇ ପ୍ରବଳ ମିଛ ପ୍ରଚାର କରାଯାଉଛି । ଲୋକଙ୍କୁ ଭୂତେଇବା ପାଇଁ ସାମାନ୍ୟ କିଛି ସହାୟତା ଦେଇ ସେମାନଙ୍କୁ ଭୋଟ ଦେବା ପାଇଁ ବଞ୍ଚେଇ ରଖିବା ପାଇଁ ବିଭିନ୍ନ ତଥାକଥିତ ଯୋଜନା ଯଥା କାଳିଆ , ଛତା , ସାଇକେଲ ବଣ୍ଟନ , ଭାତ ଡାଲମା, ମାଗଣା ଚାଉଳ ଇତ୍ୟାଦି କରାଯାଉଛି । ଏହି ସବୁ ଯୋଜନାରେ ନା ରାଜ୍ୟ ର ବିକାଶ ହେଉଛି ନା ଲୋକଙ୍କର ସାମାଜିକ ଅର୍ଥନୌତିକ ବିକାଶ ହେଉଛି । କେବଳ ବିଜେଡି ଦଳର ନେତା , ଠିକାଦାର , କମ୍ପାନୀ ଓ ବିଜେପି ଓ କଂଗ୍ରେସର ଦଲାଲ ନେତାମାନେ ଉପକୃତ ହେଉଛନ୍ତି ।
(The writer Pradip Pradhan, is a well know RTI Activist and Convenor of Odisha Soochana Adhikar Abhijan, Pradhan can be reach at 9938743482).
