By Our Correspondent
BHUBANESWAR:ବାଲେଶ୍ୱର ଫୀକର ମୋହନ କଲେଜର ଛାତ୍ରୀ ସୌମ୍ୟାଶ୍ରୀ ବିଶିଙ୍କ ଦୁଃଖଦ ମୃତୁ୍ୟ କେବଳ ଜଣେ ଛାତ୍ରୀଙ୍କ ଆତ୍ମଦାହ ଘଟଣା ନୁହେଁ, ବରଂ ଏହା ଓଡ଼ିଶାର ଶିକ୍ଷା ବ୍ୟବସ୍ଥା, ମହିଳା ସୁରକ୍ଷା, ନାରୀ ନିର୍ଯ୍ୟାତନା ଓ ଓଡ଼ିଶାରେ ମୋହନ ମାଝୀଙ୍କ ନେତୃତ୍ୱାଧୀନ ଡବଲ ଇଞ୍ଜିନ୍ ସରକାରର ଦାୟିତ୍ୱହୀନତା, ବିଫଳତା ଓ ଅସମ୍ବେଦନଶୀଳତାକୁ ଉଜାଗର କରିଦେଇଛି । ଏକ ଶିକ୍ଷା ପ୍ରତିଷ୍ଠାନର ଏଚ୍ଓଡି ବିରୋଧରେ ଯୌନ ଉତ୍ପୀଡ଼ନ ଅଭିଯୋଗ କରି, ନ୍ୟାୟ ପାଇଁ ଲଢୁଥିବା ସୌମ୍ୟାଶ୍ରୀ ନିଜର ଶରୀରକୁ ନିଆଁ ଲଗାଇବାକୁ ବାଧ୍ୟ ହେଲେ, ଯାହା ଅତ୍ୟନ୍ତ ଦୁଃଖଦ ତଥା ଆମ ଶାସକୀୟ ବ୍ୟବସ୍ଥାର ନଗ୍ନ ଚିତ୍ର ।
ଏହା ଆତ୍ମହୁତି ନୁହେଁ ବରଂ ସରକାରଙ୍କର ଏକ ପ୍ରାୟୋଜିତ ହତ୍ୟା ବୋଲି ଯୁବଛାତ୍ର କ୍ରାନ୍ତି ସେନାର ଆବାହକ ପାର୍ଥସାରଥୀ ମୁଦୁଲି ଅଭିଯୋଗ କରିଛନ୍ତି । ପୀଡ଼ିତା ବାରମ୍ବାର ମୁଖ୍ୟମନ୍ତ୍ରୀ, କେନ୍ଦ୍ର ଶିକ୍ଷାମନ୍ତ୍ରୀ, ରାଜ୍ୟ ଶିକ୍ଷାମନ୍ତ୍ରୀ, ସାଂସଦ, ବିଧାୟକ, ସ୍ଥାନୀୟ ପ୍ରଶାସନ ତଥା କଲେଜ ଅଧ୍ୟକ୍ଷକଙ୍କୁ ଚିଠି ଲେଖି ଓ ଟ୍ୱିଟ କରି ନ୍ୟାୟ ଓ ସୁରକ୍ଷା ପାଇଁ ନିବେଦନ କରିଥିଲେ ।
କିନ୍ତୁ ତାଙ୍କର ସ୍ୱର ଶୂନ୍ୟରେ ବିଲୀନ ହୋଇଗଲା । ସରକାର, ପୋଲିସ୍ ବା କଲେଜ ପ୍ରଶାସନ କେହି ମଧ୍ୟ ଛାତ୍ରୀଙ୍କ ଅନ୍ତିମ ସଂଘର୍ଷକୁ ଗୁରୁତ୍ୱ ଦେଇନଥିଲେ । ତାଙ୍କର ମୃତୁ୍ୟ କେବଳ ଦୁଃଖଦ ଘଟଣା ନୁହେଁ, ବରଂ ଏହା ଓଡ଼ିଶାର ଶିକ୍ଷା ଓ ଅବ୍ୟବସ୍ଥାର ଅନ୍ୟାୟ, ଅନୀତି, ନ୍ୟାୟ ବ୍ୟବସ୍ଥାର ଅସଂଗତି ଓ ମହିଳା ସୁରକ୍ଷା ପ୍ରତି ଶାସନ ଉଦାସୀନତାର ଜ୍ୱଳନ୍ତ ନିଦର୍ଶନ । ବିଜେପିର ଡବଲ ଇଞ୍ଜିନ ସରକାରରେ ଓଡ଼ିଶାରେ ନାରୀ ନିର୍ଯ୍ୟାତନା ଚରମ ସୀମାରେ ପହଞ୍ଚôଛି । ରାଜ୍ୟରେ ପ୍ରତିଦିନ ବଳାକ୍ରାର ଓ ଗଣଦୁଷ୍କର୍ମ ବଢି •ଲିଛି । ଲୋକଙ୍କ ସରକାର କହୁଥିବା ମୋହନ ସରକାର ସବୁ ଜାଣି ନିଦାବିଷ୍ଣୁ ସାଜିଛନ୍ତି ।
