By Our Correspondent
DHENKANAL: କେନ୍ଦ୍ର ଶିକ୍ଷା, ଦକ୍ଷତା ବିକାଶ ଓ ଉଦ୍ୟମିତା ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଆଜି ଢେଙ୍କାନାଳ ଜିଲ୍ଲା ବଣିଆପଡ଼ା ଠାରେ ଏକ ନୂତନ ଡାକ ଘରର ଉଦଘାଟନ କରିଛନ୍ତି ।
ଗ୍ରାମବାସୀଙ୍କୁ ଶୁଭେଚ୍ଛା ଜଣାଇବା ସହ କେନ୍ଦ୍ରମନ୍ତ୍ରୀ କହିଛନ୍ତି ଯେ ଲୋକଙ୍କ ସୁବିଧା ପାଇଁ ବଣିଆପଡ଼ା ଠାରେ ନୂଆ ଡାକଘର ଉଦଘାଟିତ ହୋଇଯାଇଛି । ଏହି ନୂତନ ଡାକ ଘର ଓଡ଼ିଶାର ୭,୬୯୭ତମ ଶାଖା କାର୍ଯ୍ୟାଳୟ । ଏହି ପୋଷ୍ଟ ଅଫିସ ଦ୍ୱାରା ବଣିଆପଡ଼ା ସମେତ ଆଖପାଖ ୨ଟି ଗ୍ରାମର ପ୍ରାୟ ୩୪୦୦ ରୁ ଅଧିକ ଲୋକମାନେ ସୁଲଭ ଓ ଉତ୍ତମ ଡାକ ସେବା ପାଇବା ସହ ବ୍ୟାଙ୍କ୍ ସେବାର ସୁବିଧା ପାଇପାରିବେ ।
ମୋଦି ସରକାରରେ ଭାରତୀୟ ପୋଷ୍ଟାଲ୍ ପେମେଂଟ ବ୍ୟାଙ୍କ୍ ପୋଷ୍ଟ ବିଭାଗର ବ୍ୟାପକ ନେଟୱାର୍କର ଲାଭ ପାଇବା ସହ ଜନସାଧାରଣଙ୍କ ପାଖରେ ଉତ୍ତମ ବ୍ୟାଙ୍କ୍ ସେବା ପହଁଚାଯିବାର ଯୋଜନା ହୋଇଛି । ସ୍ଥାନୀୟ ଅଞ୍ଚଳର ଅପେକ୍ଷାକୁ ପୂରଣ କରିଥିବାରୁ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଓ କେନ୍ଦ୍ର ଯୋଗାଯୋଗ ଏବଂ ସୂଚନା ପ୍ରଯୁକ୍ତିବିଦ୍ୟା ମନ୍ତ୍ରୀ ଅଶ୍ୱିନୀ ବୈଷ୍ଣବଙ୍କୁ ସେ ଧନ୍ୟବାଦ ଜଣାଇଛନ୍ତି ।
