By Our Correspondent
PURI/BHUBANESWAR: ଆଜି ସକାଳ ଘ.୮.୦୦ ଟିକା ସମୟରେ ତିନି ରଥର ନିର୍ମାଣକାରୀ ସେବକ ମାନେ ରଥ ଖଳା ଠାରେ ଉପସ୍ଥିତ ପୂର୍ବକ ଉପସ୍ଥାନ ଦେଇ ମୁଖ୍ୟ ମହାରଣାଙ୍କ ମାର୍ଗ ଦର୍ଶନର ନିର୍ମାଣ କାର୍ଯ୍ୟ ଆରମ୍ଭ କରିଥିଲେ।
ଗତକାଲି ତିନିରଥ ରେ ଚାରି ନାହାକା ଚାରି ପଟେ ଚଉଦ ନାହାକା ବୁଲିବା ସହ ତିନି ରଥ ପ୍ରଥମ ଭୂଇଁ ଛ’କାଠିରେ ପାଖୁଡ଼ା ଲାଗି ହୋଇ, ଦ୍ୱିତୀୟ ଭୂଇଁ ଟୁଙ୍ଗୁରା ବା ସଂଯୋଗ ଶେଷ ହୋଇଥିଲା.
ଆଜି ତିନି ରଥର ଅଗ ଭୂଇଁ ବା ତୃତୀୟ ଭୂଇଁ ସ୍ଥାପନ ଶେଷ. ଆଜି ତିନି ରଥର ମହାରଣା ସେବକ ଏବଂ ଭୋଇ ସେବକ ମାନଙ୍କ ସହଯୋଗରେ ତିନିରଥ ର ତୃତୀୟ ଭୂଇଁ ଉଠି ମଝି ଭୂଇଁ ଉପରେ ସଂଯୋଗ ଶେଷ ହୋଇଛି, ଏଥିସହ ତିନିରଥ ର ଆଗ ଆଣି ଢ଼ମକ ଚାରି ନାହାକା କୁ ଲାଗି ପଡ଼ିବାପରେ ସେଥିରେ କଣ୍ଟା ବଢିଆ ଶେଷ ହୋଇଛି। (ତାଳଧ୍ଵଜ ରଥ ଏବଂ ନନ୍ଦଘୋଷ ରଥର ଚାରି ନାହାକା ଆଗ ଏବଂ ଚଚ୍ଛ ରେ ଗୋଟିଏ ଗୋଟିଏ ଢ଼ମକ ପଡୁଥିବା ବେଳେ ଦର୍ପଦଳନ ରଥରେ ତିନୋଟି ଢ଼ମକ ପଡ଼ିଥାଏ, ଢ଼ମକ ଉପରେ ୫ଟି ଲେଖାଏଁ ସିଂହାସନ ସେଣି ପଡ଼ି ତା’ଉପରେ ପଟାପଡ଼ି ବେଦୀ ନିର୍ମାଣ କରାଯାଏ)
ଏଥିସହ ଆଜି ତିନି ରଥର କଇଞ୍ଚି ନିର୍ମାଣ ପାଇଁ ରଥ ଅମୀନ ତିନି ରଥ ଚାଳି କୁ ତିନୋଟି ଲେଖାଏଁ ୨୦ ଫୁଟିଆ କାଠ ଫାଳୀ ଭୋଇ ସେବକଙ୍କ ମାଧ୍ୟାମରେ ଯୋଗାଇ ଦେଇଛନ୍ତି, ସେଥିରେ ମହାରଣା ସେବକ ମାନେ ମାପ ପ୍ରକାରେରେ ମୂଳ ଭୂଇଁ ଏବଂ ମଝି ଭୂଇଁ କୁ ମଜଭୁତ କରିବା ପାଇଁ କଇଞ୍ଚି ନିର୍ମାଣ ଜାରୀ ରଖିଛନ୍ତି।
ଏଥିସହ ଆଜି ତିନି ରଥର ମହାରଣା ସେବକ ମାନେ ଚରୋଟି ଲେଖାଏଁ ଧ୍ଵଜବତା ନିର୍ମାଣ ଜାରୀ ରଖିଛନ୍ତି, (ଏହି ଧ୍ଵଜବତା ଦ୍ଵାର ବେଢ଼ା କୁ ଟେକି ଧରିବା ପାଇଁ ଲାଗିଥାଏ)
ଏଥିସହ ଆଜି ତିନି ରଥ ର କନକ ପେଣ୍ଡି ଏବଂ କନକ ମୁଣ୍ଡି ନିର୍ମାଣ ତିନି ରଥର ମହାରଣା ସେବକ ମାନେ ଜାରୀ ରଖିଛନ୍ତି।(ଏହି କନକ ମୁଣ୍ଡି କଳସରେ ବସିବା ପାଇଁ ,ଏବଂ କନକ ପେଣ୍ଡୀ ମୂଳ ଭୂଇଁ ଉପରେ ବସିବା ପାଇଁ ହୋଇଥାଏ)
ଆଜି ତିନି ରଥର ବଡଥଳ ବା ବଡ ଧାରା ପୋଟଳ ନିର୍ମାଣ ଆରମ୍ଭ ହୋଇଛି, ଏହି ବଡଧାରା ପୋଟଳ ଅଗ ଭୂଇଁ ବା ତୃତୀୟ ଭୂଇଁ ଉପର ପୋଟଳ ଖମ୍ବିରେ ସେଟ୍ କରାଯିବ।
ରୂପକାର ସେବକ ମାନେ ତିନି ରଥର ନାଟ ଗୋଡ଼ରେ ରାହୁ ରୂପ ଖୋଦେଇ ସହ, ତିନି ରଥର ଗୋଟିଏ ଗୋଟିଏ ଚାର ପରିଛାରେ ଚିତ୍ର ଖୋଦେଇ ଜାରୀ ରଖିଛନ୍ତି।
ଦୋଳ ବେଦୀ ଅସ୍ଥାୟୀ କମାର ଶାଳରେ ଓଝା ସେବକ ମାନେ ତେର ପରସ୍ଥ ପୋଟଳ ଚାରି ପାର୍ଶ୍ୱରେ ରେ ବସିବା ପାଇଁ ୪ଫୁଟର ପୋଟଳ କଣ୍ଟା, କଳସ ଏବଂ ଶୁଆ ଫିଟିଙ୍ଗ ପାଇଁ ନରାଜ କଣ୍ଟା ନିର୍ମାଣ ଜାରୀ ରଖିଛନ୍ତି।
ଚିତ୍ରକାର ସେବକ ମାନେ ରଥ ଚକ, ଦଣ୍ଡା ଏବଂ ଗୁଜ ଗୁଡିକରେ ଧଳା ପ୍ରାଇମାର ଦେଇ ରଙ୍ଗ କାର୍ଯ୍ୟ ସହ ପାର୍ଶ୍ଵ ଦେବଦେବୀ ମୂର୍ତ୍ତିରେ ରଙ୍ଗ କାର୍ଯ୍ୟ ଜାରୀ ରଖିଛନ୍ତି।
ରଥ ନିର୍ମାଣକାରୀଙ୍କ ଉପସ୍ଥାନ
ତିନି ରଥ ମହାରଣା ସେବକ – ୭୮
ତିନି ରଥ ଭୋଇ ସେବକ – ୭୭
ତିନି ରଥ କରତୀ ସେବକ – ୪
ତିନି ରଥ କମାର ସେବକ – ୧୭
ତିନି ରଥ ରୂପକାର ସେବକ – ୨୧
ତୁମ୍ବ ବିନ୍ଧ କାରୀଗର – ୨
ପାହି ମହାରଣା – ୨
ରଥଖଳା ସହାୟକ(ପାଣିବାଲା) ୧
ମୋଟ – ୨୦୨ ଜଣ
